Gaur arratsaldean ‘Momiak’ filma proiektatuko dugu San Pelaion
Gaueko 21:00etan, haur eta familientzako kaleko zine zikloaren barne, ‘Momiak’ filma euskaraz emango dugu San Pelaio parkean. Animaziozko filma honen zuzendaritza Juan Jesús García Galochak egin du eta 2023an estreinatu zen.
Filma eta trama
Filmak, Lurraren erraietan momien hiria irudikatzen du. Bertan, Nefer printzesak Thurtekin ezkondu behar du, baina bi protagonista hauek ez dute elkarrekin ezkondu nahi. Neferrek askatasunaren irrikaz bizi da, Thutek aldiz, ezkontzari allergia dio. Baina jainkoek ez dituzte euren asmoak geldituko; Thutek Neferrekin ezkondu behar du, haren errege eraztuna zainduz. Gainera, Lord Carnaby arkeologoak Egiptoko errege-ezkontzako eraztun bat topatuko du, eta Thut gizakien mundura itzuli beharko da.
Abentura zirraragarria Londresen izango da, eta haien bidaian maitemintzea nolakoa den deskubrituko dute. Era berean, datorren asteazkenean, uztailaren 8an, zikloaren azken filma ikusi ahal izango dugu: ‘Campamento Garra de oso’ tituluko gaztelerazko filma, San Pelaion 21:00etatik aurrera.
