San Pelaio auzojaien hasiera
Gaur, San Pelaiok auzoan jaiak hasiko dira, Ongaraikoen lekukoa hartuta. Egitaraua arratsaldeko 19:00etan “Los Galaicos” taldearen kalejirarekin hasiko da. Eguneko ekitaldi nagusia, “Norbac” rock talde ermuarraren kontzertua izango da, 22:30etatik aurrera plazako kioskotik.
Bihar, larunbatean, egun nagusia izango da. Batzorde antolatzaileak gaztetxoentzat elementu puzgarriak eta apar festa iragarri ditu, Tribunan eta San Pelaio plazan. Arratsaldean, meza izango da auzoko baselizan 18:30etan. 20:30etik aurrera, afaria egingo da, animazioa “Niala” magoaren eskutik, eta gaueko musika 23:00etatik aurrera “Leo Events” DJaren kontura izango da.
Igandean, jaiak aurrera jarraituko du. Goizean, puzgarriak izango dira berriro Tribuna tabernaren plazatxoan, baita inklusio-jolasak San Pelaio plazan ere. Eguerdiko kalejira, batukada talde batekin, 12:30etan izango da eta ordu 1ean sardina erreen dastatze herrikoia izango da. Arratsaldeko 19:00etatik aurrera, egitarauari amaiera emateko, “@yourversionbilbao” taldeak musika jarriko du.
