LandaLand Jaia Amorebieta-Etxanon lehen aldiz
Datorren larunbatean, ekainaren 27an, Amorebieta-Etxanok LandaLand Jaia izango du lehen aldiz. Astelehen honetan, goizean, jaialdiaren aurkezpen ofiziala egin zen Jauregibarrian. LandaLand jaialdiak aisialdia, kultura eta musika uztartuko ditu, adin guztietako pertsonentzat pentsatutako programazio batekin.
Egitarau zabala publiko guztientzat
Amorebieta-Etxanoko alkate Ainhoa Salterainek adierazi duenez, “jai hau herritarrentzat pentsatuta dago, belaunaldi desberdinak elkarrekin jartzeko eta kulturaz gozatzeko aukera eskaini nahi da”. LandaLand Jaia egun osoan luzatuko den egitarau batekin iritsiko da, hainbat jarduera eskainiz, hiriko kultur eta aisialdi gune nagusietako bat bihurtuz.
Jaiaren hasiera eguerdian Udabarri Dantza Taldearen emanaldi batekin izango da. Horrekin batera, food truck bat, rokodromoa eta egurrezko jolasak martxan jarriko dira, gazteek eta helduek disfrutatzeko. Arratsaldean Eneko MartÃnez magoak bi emanaldi eskainiko ditu eta jardunaldiko une berezienetako bat Zornotxoriaren banaketa eta oroigarri ekitaldia izango da.
Musika egunean zehar protagonismo handia izango du. Mikel Urdangarinek emango dio hasiera kontzertu programazioari eta ondoren Señeak Bizkaia taldeak eta Zornotzako Musika Banda arituko dira. Azkenik, jaialdia Olaia Inziarteren kontzertuarekin amaituko da.
