Eusko Jaurlaritzaren parte-hartzea Food 4 Future 2026 azokan
Asteazkenean gosari instituzional bat antolatuko da elikadura-balio kateko CEOekin, bertan Imanol Pradales Lehendakaria eta Amaia Barredo sailburua izango dira. Bilbok Food 4 Future World Summit 2026 ekimena hartuko du, elikadura-berrikuntzari eta nekazaritza-elikagaien industriaren eraldaketari buruzko nazioarteko topaketa. Maiatzaren 27an eta 28an Barakaldoko Bilbao Exhibition Centren (BEC) izango da, hainbat herrialdetako ordezkariak bilduko dituena.
Eusko Jaurlaritzak aktiboki parte hartuko du nazioarteko foro honetan, ezagutza partekatzeko eta aliantzak sortzeko espazio estrategiko gisa. HAINZIK, erakustoki propioa izango du Euskadiko agritech eta foodtech ekosistemarentzako, topagune estrategiko, nazioarteko proiekzio-gune eta aukera-sorgailu gisa diseinatuta.
Stand-a espazio ireki eta elkarreraginera bideratu gisa diseinatuko da, enpresen, teknologia-zentroen, inbertitzaileen eta nazioarteko bazkide potentzialen arteko harremanak sustatzeko. Espazioak bilerak egiteko gunea eta erakusketa-eremua izango ditu.
Horrez gain, Eusko Jaurlaritzak Euskadiko Gastronomia eta Elikaduraren Plan Estrategikoan jasotako hainbat ekimen ezagutaraziko ditu, eta nazioarteko profesionalei eredu alimentario jasangarriago, berritzaileago eta lehiakorrago baterantz aurrera egiteko lan-ildo nagusiak hurbilduko dizkie.
Era berean, stand-an energia agroboltaikoari eta adimen artifizialari lotutako proiektuak aurkeztuko dira, nekazaritza-elikagaien sektorearen eraginkortasuna hobetzen duten teknologiak ikusgai jarriz.
Food 4 Futen Eusko Jaurlaritzaren parte-hartzea euskal nekazaritza-elikagaien industria bultzatzeko estrategien baitan kokatzen da, elikadura-eredu lehiakorrago, erresilienteago eta lurraldean errotuago baten aldeko apustuan.
Amaia Barredo sailburuak adierazi duenez, ‘Euskadik badu gaitasuna munduko elikadura-berrikuntzaren erreferente izateko’.
Elikadura-sektoreko CEOekin topaketa
Topaketa honetan, sektoreko arduradunak bilduko dira lankidetza publiko-pribatua indartzeko helburuarekin.
Mahai-inguru eta hitzaldietan parte-hartzea
Food 4 Future 2026 azokan mahai-inguruak eta hitzaldiak egongo dira, Euskadiko elikadura-ekosistemako erakundeen parte-hartzearekin. NEIKERrek eta ELIKAren presentzia izango da hainbat saioetan.
Parte-hartze honekin, Eusko Jaurlaritzak Euskadi elikadura-berrikuntzaren nazioarteko erreferente gisa sendotu nahi du.
