Txema Ezkerraren elkarrizketa
Gaur, Radio Euskadin Txema Ezkerra, Haur, Nerabe eta Familien Zuzendaria, elkarrizketatu dute. Ezarritako deribazioak egiteko prest ez egoteaz gain, Bizkaian, Gipuzkoan eta Araban adingabe atzerritarrak hartzean sistema normaltasunaren gainetik lan egiten ari dela azaldu du. “Egoera arrunteko baldintzen arabera arreta ematen zaie, baina salbuespenezko egoera batetara iristeak etorkizuneko arreta baldintzatu dezake” adierazi du.
Ceutako egoeraz galdetuta, Ezkerrak azpimarratu du Euskadi ez dela prest deribazioak inprobisatzea. Adin txikikoen interes gorena lehenetsita, familiak aurkitu eta haiekin komunikatzea beharrezkoa dela esan du. “Haien egoera pertsonalizatua aztertuko da eta beharrezkoa den informazio guztia eskuratu beharko da” gaineratu du Ezkerrak.
Gainera, Ceutan dauden adingabeen profila bestelakoa dela nabarmendu du, adin txikiko 600 adingabe baino gehiago baitaude, neska asko barne. Indibidualizatutako arreta eta adinen arabera bereizitako ekipamenduak eskatzen dituzte.
Azkenik, Ezkerrak jakinarazi du hamalau mila laguntza-eskaera baino gehiago jaso direla 0 eta 4 urte bitarteko seme-alabengatik. Datu hauen arabera, laguntzek ongi hartu dituzte euskal gizartean familiei laguntzeko helburuarekin.
