Euskadi, minbiziaren baheketan aitzindaria
JAMA Network Open aldizkari ezaguna Osakidetzako ikertzaileek eginiko azterlan bat argitaratu du, zeinak Euskadi kolon eta ondesteko minbiziaren baheketa-programaren eraginkortasuna berresten duen.
Azterlanak baieztatu du baheketa-programaren bidez hilkortasunaren %50,1 murriztu dela 50-69 urteko biztanleen artean. Aztertutako heriotzen kopurua 438.000 baino gehiago da, eta argi gelditu da 2012az geroztik hilkortasuna etengabe jaitsi dela.
Lanaren koordinatzaile Luis Bujanda doktorea da, Donostia Unibertsitate Ospitaleko arduraduna, eta ikertzaile talde batekin batera lan egin du.
Azterlanaren arabera, Euskadi Espainiako lehen autonomia erkidegoa izan da 70 urtetik 74ra baheketa zabaldu duena, eta %70eko atxikimendua du, Estatuko batez bestekoaren gainetik ipiniz, %43koa bait da Estatuan.
Osakidetzak ekimena 2009an jarri zuen abian, eta gaur egun, minbiziaren detekzio goiztiarrean %70 baino gehiago egozten da I. eta II. estadioetan. Horrela, tratamenduaren arrakasta areagotzen da eta osasun-kostuak murrizten laguntzen du.
Eusko Jaurlaritzak prebentzioarekiko konpromisoa berretsi du ikerketa honen bidez, Euskadiko Osasun Itunaren lehentasunezko ildoa baita. Osasuneko sailburu Alberto Martinezek adierazi duenez, ikerketa honek etorkizuneko minbizi-politiketan aitzindaritzan eta herritarren osasunean eragin handia izango duela.
