Ugao-Miraballesko Udalak etxebizitza bihurtzeko ordenantza eguneratuko du
Udalerriko lokalak etxebizitza bihurtzeko erabilera arautzen duen ordenantza eguneratzeko prozesua abian jarri du Ugao-Miraballesko Udalak. Hori dela-eta, aurretiazko kontsulta publikoa zabaldu du, herritarrek, elkarteek eta erakundeek iritziak, proposamenak eta ekarpenak egiteko aukera izan dezaten.
Aldaketa honen helburua indarrean dagoen araudia, 2024an onartutako Hiri Antolamenduko Plan Orokorraren (HAPO) irizpideekin egokitzea da. Araudi zaharkituta geratu da, eta aplikatzeko zailtasunak sortzen ari dira, hala nola, gehieneko etxebizitza kopurua bete izana.
Gainera, ordenantza ez dator bat gaur egungo hirigintza eta bizigarritasun araudiekin.
Aldaketaren helburua
Udalak araudia eguneratzeko asmoa du, udal etxebizitza tasatuen gehieneko salmenta-prezioa kalkulatzeko irizpideak eguneratu eta erabilera-aldaketarako eskaerak izapidetu ahal izateko. Aurretiazko kontsulta datorren abuztuaren 27ra arte egongo da zabalik, proposamenak udaletxean aurkeztu ahal izango direlarik.
