Durangoko Udalak eguzki-panel fotovoltaikoak instalatuko ditu
Durangoko Udalak 133.725,44 euroko aurrekontua bideratuko du, BEZik gabe, Laubideta 6A eta Plateruena Musika Aterpea udal-eraikinetan autokontsumo partekaturako instalazio fotovoltaikoak ezartzeko. Helburu nagusia energia berriztagarria handitzea eta kontsumo elektrikoa murriztea da.
Proiektu honetan, Laubideta 6A eraikinean 230 eguzki-panel instalatuko dira, eta Plateruena Musika Aterpean 120 panel. Bi instalazio hauek autokontsumo partekatuko modalitatean funtzionatuko dute, eta sortutako energia beste udal eraikin batzuetara bideratuko da.
Jarduera honekin, Udalak 2022-2030 aldirako Energia eta Klima Planean ezarritako helburuak lortzeko bidea egiten du, energia kontsumoa murriztu eta energia berriztagarrien erabilera handituz.
