Mikel Jauregi Bilboko Adierazpena aurkeztu du
Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua, Automotive Regions Alliance (ARA) sarearen osoko bilkura inauguratu du gaur AIC-Automotive Intelligence Centerren egoitzan, Zornotzan. Bilkuran, ARAko 41 eskualdeek Bilboko Adierazpena onartu dute, automobilgintzaren sektorean Europako politika industrialean protagonismoa aldarrikatuz.
Adierazpenak “Made in Europe” eta tokiko edukia sustatzeko konpromisoa azpimarratzen du, baita emisioak murrizteko neutraltasun teknologikoa lortzeko beharra ere. Jauregi sailburuak adierazi duenez, Europako automobilgintza-sektoreko eskualdeek gainditu behar dituzten erronkak ezagutzen dituzte, eta horregatik, tokiko edukiaren kompormisoa defendatu du.
Gainera, Jauregik azpimarratu du beharrezkoa dela neutraltasun teknologikoa lortzea, auto elektrikoak, hibridoak eta erregai berriztagarriak kontsumitzen dituzten ibilgailuak konbinatuz. Municheko Adierazpenari erreferentzia eginez, 2035eko erreferentzia muga malgutzeko konpromisoa berretsi du, eta ekoizpenari, inbertsioari eta balio-kateen indarrari eusteko trantsizioa bultzatzeko beharra azpimarratu du.
