Aniztasunaren eta Sexu Askatasunaren Nazioarteko Eguna ospatu egingo da
Ekainaren 28an, Aniztasunaren eta Sexu Askatasunaren aldeko Nazioarteko Eguna eta LGTBIQ+ Harrotasuna ospatuko da. Egun hau 1970. urtetik ospatzen da LGTB eskubideen aldeko mugimenduaren hasiera bezala. Hori dela eta, Udalbatzak adierazpen instituzional bat onartu du, talde guztiak ados jarriz. Asteburu honetan Ermua Antzokian linterna ostadarraren koloreekin argiztatuko da.
Sentsibilizazio-materialak banatuko dira
Ermuan, udalak ostadar koloredun pankarta bat jarri du Orbe Kardinalaren plazako kioskoan, kanpainaren leloarekin. LGTBIQ+ bandera duten 1.500 eskumuturreko banatu egingo dira Berdintasuneko, Indarkeria Matxistaren Prebentzioko eta Sexu Aniztasuneko Hezkuntza Integraleko Programan parte hartzen duten ikastetxeetako ikasleei, eta herritarrei ere eskuragarri izango dira Emakumearen Topaguneko bulegoan.
Irakurketa gida sortu da
Berdintasun Sailak eta Udal Liburutegiak elkarlanean irakurketa-gida bat prestatu dute, aniztasunaren, sexu askatasunaren eta LGTBIQ+ harrotasunaren gaineko proposamenekin.
‘Gu ere bagara’ erakusketa
‘Gu ere bagara’ erakusketa, Inés Bermejo artistak eta Julen Nafarrate kazetariak bultzatuta, Getxoko LGTBIQ+ adineko pertsonen istorioak jasotzeko helburua du. Erakusketa irailaren 15era arte egongo da ikusgai Emakumeen Topalekuan.